News / Events‎ > ‎News‎ > ‎

سێمینارێک بە ناونیشانی گرێی دەروونی پێشکەشکرا

posted Jan 5, 2016, 3:19 AM by Wria Mohammed Salih Mohammed   [ updated Jan 5, 2016, 3:36 AM ]

لە درێژەی زنجیرەیەک لە سێمینارە زانستیەکانی ، پێشنیوەڕۆی ئەمڕۆ سێشەممە (٥/١/٢٠١٦) بەڕێز پڕۆفیسۆر دکتۆر کەریم شەریف قەرەچەتانی مامۆستا لەبەشی باخچەى ساوایانی کۆلێژ سێمینارێکی بەناونیشانی گرێی دەروونی کاتژمێر (١٠:٣٠) لە هۆڵی ڕاگرایەتی پێشکەشکرد.

لە میانی سێمینارەکەدا بەڕێزیان تیشکیان خستەسەر پێناسە و جۆر و حاڵەت و هۆکار و چارەسەرەکانی گرێی دەرونی.

پوختەیەک دەربارەى سێمینارەکە:

گرێی دەرونی حاڵەتێکی نەستیە ، مرۆڤ پەی و درک بە پاڵنەر و سەرچاوەکانی ناکات ، بە داینەمۆ و ڕێکخەری زۆرێک لە هەڵسوکەوتەکان و بیروبۆچوونی هەڵە و دژواری تاک دادەنرێت و لە ئەنجامی ڕودانی کارەساتی دڵتەزێن و شارەزایی و کۆبونەوەى کۆمەڵێک پاڵنەر و هەڵچوونی جیا کە ئاوێتەی یەکتری دەبن وەک خەم وخەفەت و ترس و دڵەڕاوکێ و سوکایەتیپێکردن و بێبەشبوون و گرژیەوە دروست دەبێت.

هۆکارەکانی دروستبوونی گرێی دەرونی بریتین لە ( نازداری منداڵ بەهۆی خراپ پەروەردەکردنی ، سوکایەتیپێکردن ، لێدان و توندوتیژی بەردەوام و توانجلێدان و ناوناتۆرەى خراپ ، سیفاتی ناشرین خستنەپاڵ ، نەبونی دادگەرى کۆمەڵایەتی ...هتد)

گرێی دەرونی زۆر جۆری هەیە وەک ، گرێی دڵەڕاوکێ ، گرێی قابیل ، گرێی هەست بەکەمیکردن و گرێی ئۆدیب و ئەلکترا و گرێی هەست بەگوناهکردن.

 

 


Comments