Registrar‎ > ‎

دەربارەی تۆمار

    بە یەكێك لە گرنگترین و زیندووترین یەكەی كارگێڕی دادەنرێت لە پڕۆسەی خوێندنی زانكۆییدا چونكە بازنەی پەیوەندی نێوان بەشە زانستییەكان و خوێندكارە و ڕأستەوخۆ پەیوەندی بە كاروباری خوێندكارانەوە هەیە و ئەركی سەرەكیی بریتییە لە پێشكەشكردنی ڕاژە بە خوێندكاران لەهەموو ئەو كارانەی پەیوەستن بە ژیانی زانكۆیی. ئەمەش تەنها لەسەرەتای پەیوەندی خوێندكار بە زانكۆوە ناگرێتەوە، بەڵكو جگە لە چوارساڵی خوێندن درێژدەبێتەوە بۆ دوای زانكۆ وپاش ئەوەی لە زانكۆ دەردچێت، لێرەوەش هەمیشە پەیوەندی بەردەوامی دەبێت لەگەڵ دەرچووی بەشەكانی و بەردەوام لە هەوڵی ئەوەدایە خزمەتگوزارییەكانی پێشكەش بە دەرچووانی خۆی بكات و ئەرك وكارئاسانییان بۆ بكات و رێڕەوی ژیانیان بۆ  بەرجەستە و دەستەمۆ بكات.

       تۆماری كۆلێجی پەروەردەی بنەڕەتی لەساڵی خوێندنی 2003-2004 دا لەگەڵ دامەزراندنی كۆلێجدا وەك بەشێكی گرنگ لەناو كۆلێجی پەروەردەی بنەڕەتی دامەزراوە و لەڕووی پەیكەری كارگێڕیی زانكۆوە ڕاستەوخۆ وابەستەیە بە ڕاگری كۆلێجەوە و پەیوەندییەكی ئۆرگانیشی لەگەڵ تۆماری گشتی زانكۆ هەیە كە بەشێكە لە فەرمانگەی یاریدەدەری سەرۆكی زانكۆ بۆ كاروباری خوێندكاران.

  روئیا:

كاردەكات بۆ بەدیهێنانی باشترین خزمەتگوزاری بۆ خوێندكاران و دەستەبەركردنی سیستەمێكی پێشكەوتوو و فەراهەمبوونی كوالێتی، هەروەها چاو لە زانكۆ پێشكەوتووەكانی جیهان دەكات بەمەبەستی پێشكەشكردنی نایابترین خزمەتگوزاریی بە خوێندكارانی كۆلێجەكەمان.

 

ئامانج:

1.    بەشداریكردنی لە پێشخستن و پەرەپێدان بە زانكۆ: تەواوی كۆشش و ماندوبوونەكانی تۆماری كۆلێجەكەمان بە ئامانجی بەشداریكردن و پشكبوونە لە پێشخستنی 

زانكۆ بەهاوكاری سەرجەم یەكە كارگێڕییەكانی دیكەی زانكۆ.

2.   ئاسانكردن و ڕاییكردنی كاروباری خوێندكاران بەشێوەیەكی نایاب لەمییانی لەخۆبوردەیی و كاركردنی بەردەوام ولێبڕاوی كارمەندەكان تاوەكو باشترین خزمەتگوزاری 

و بەدەمەوەهاتنی خوێندكار بە ئەنجام بگەیەنرێت و سەرجەم گرفت و خواست و كێشەكانیان چارەسەر بكرێت.

3.   پاپەندبوون بە ڕێنماییەكانی زانكۆ و بەدیهێنانی شەفافییەت لە بەڕێوەبردنی كاروباری خوێندكاران. بەهەند وەرگرتنی ڕێنماییەكانی زانكۆ و پاپەندبوون پێوەی لە 

گرنگترین ئەو ئامانجانەی كە تۆماری كۆلێج كاری لەسەر دەكات تاوەكو بتوانرێت شەفافییەت بەدیبهێنرێت لە بەڕێوەبردنی كاروباری خوێندكاراندا.

4.   هۆشیاركردنەوە خوێندكاران بە ڕێكاری و ڕێنماییەكانی زانكۆ لەهەموو بوارەكانی پەیوەست بە پڕۆسەی خوێندن و  خوێندكارانەوە وەكو تاقیكردنەوەكان، گواستنەوەی 

خوێندكاران، ئامادەنەبوون ونەهاتنی خوێندكاران، میچی خوێندن، پاراڵێڵ، لەگەڵ گشت ئەو ڕێنماییانەی ڕۆژانە وابەستییان هەیە لەگەڵ خوێندكاران.

5.   پشكداریكردن لە پێخستنی لایەنی ئەكادیمی زانكۆ لە رێگەی ئاسانكردن و هەوڵدان بۆ بە ئەلیكترۆنیكردنی كاروبارەكانی تایبەت بە خوێندكاران و توانستكردنی 

خوێندكاران بۆ گەیشتن بە پێویستییەكانیان بەتایبەت دۆسیە و ئاست و نمرە و بڕوانامەكانیان.