بەڕێز پ.ی.د.وفاء محمد حسين، مامۆستا لە بەشی پەروەردەی هونەری لە کۆلێژی پەروەردەی بنەڕەت، بە سەرکەوتوویی بەشداری کۆنفرانسی نێودەوڵەتی “الرؤية الملكية للسلم المجتمعي” کرد و رێزلێنانی پێ بەخشرا.

لەسەر بانگهێشتی کۆنفرانسەکە، پ.ی.د.وفاء چەندین کاری هونەری رەسەنی پێشکەش کرد و لەلایەن شێخ سالم بن سولتان ئەلقاسمی، سەرپەرشتیاری کۆنفرانس، رێزلێنانی پێ بەخشرا.

شێخ سالم لە وتەیەکیدا ئاماژەی بە رۆڵی گرنگی د.وفاء لە سەرکەوتنی کۆنفرانسەکە کرد و بەرهەمە هونەرییەکانی بەرز نرخاند.

کۆنفرانسی ساڵانەی نێودەوڵەتی “الرؤية الملكية للسلم المجتمعي” لە رۆژانی ٥-٦ی نیسان لە عەممانی پایتەختی ئەردەن، لە هوتێلی هیلتون بەڕێوەچوو.

هەروەها د.وفاء محمد حسين، کە ئەندامی کۆمەڵەی ژنانی شێوەکارانی عێراقییە، لە میانی بەشداریکردنی لە پێشانگەیەکی هونەری لە عەممان کە تایبەت بوو بە سەکۆی کۆمەڵەی ژنانی شێوەکارانی عێراقی، رێزلێنانی دیکەی لەلایەن بەڕێز د. عمر بەرزنجی، باڵیۆزی عێراق لە ئەردەن، پێ بەخشرا.

هیوای سەرکەوتنی بۆ دەخوازین.

مامۆستایانی بەشی زانستە بیرکارییەکانی کۆلێجی پەروەردەی بنەڕەت بەشداربوون لە سکوڵی نێودەوڵەتی

“Semi-Analytical Methods for Differential Equations” (AESIM-Irbid-2025)

کە لە زانکۆی یەرمووکی وڵاتی ئەردەن بەڕێوەچوو.د. سؤدد موسی رشید، د. گوڵنار وسیم صادق و م. ڕەهێڵ جەزا قادر بە پێشکەشکردنی بابەتی زانستی ماتماتیک بەشدارییان کرد لەم سکوڵە گرنگەدا.

ئەم سکوڵە زانستییە بە هاوبەشی نێوان چەندین دامەزراوەی زانستی بەناوبانگ بەڕێوەچوو، لەوانە:

– ناوەندی نێودەوڵەتی بیرکاری پەتی و پراکتیکی (SIMPA) – فەرەنسا

– زانکۆی نانت – فەرەنسا

– زانکۆی دیالە – عێراق

– زانکۆی یەرمووک – ئەردەن

بەشداریکردنی ئەم مامۆستایانە دەرفەتێکی باش بوو بۆ ئاڵوگۆڕی زانیاری و ئەزموون لەگەڵ توێژەران و مامۆستایانی بیرکاری لە وڵاتانی جیاوازەوە.