Within the framework of the strategy and policy of the Ministry of Higher Education and Scientific Research to make changes and reforms in the educational program of the scientific departments on 28-29 February 2024، a workshop for english language development under the title of:
(Iraq MOHE English Curriculum Reform Workshop)
In Istanbul، Turkey was chaired by the British Council.

The aim of this workshop was to reform and change the English language study programs in both the College of Education and Basic Education، linking them to the labor market and raising the level of graduates of these departments.

سەرۆک بەش و چەند مامۆستایەکی بەشی زمانی ئینگلیزی کۆلێجی پەروەردەی بنەڕەتی زانکۆی سلێمـانی بەشدارییان لە وۆرکشۆپێکدا کرد لە وڵاتی تورکیا تایبەت بە پەرەپێدانی پرۆگرامەکانی خوێندنی زمانی ئینگلیزی لەزانکۆکانی هەرێمی کوردستان و عێراق

لەچوارچێوەی ستراتیژ و سیاسەتی وەزارەتی خوێندنی باڵا و توێژینەوەی زانستی بۆ ئەنجامدانی گۆڕانکاری و ڕیفۆرم لەپرۆگرامی خوێندنی بەشە زانستیەکان لەڕۆژانی (٢٨-٢٩ / ٢ / ٢٠٢٤) وۆرکشۆپێک بۆ پەرەپێدانی زمانی ئینگلیزی لەژێر ناونیشانی
(Iraq MOHE English Curriculum Reform Workshop)
لەشاری ئیستانبول لەوڵاتی تورکیا بەسەرپەرشتی (British Council) ئەنجوومەنی بریتانی بەڕێوەچوو

ئامانج لە ئەنجامدانی ئەم وۆرکشۆپە بریتی بوو لە ڕیفۆرم و ئەنجامدانی گۆڕانکاری لە پڕۆگرامەکانی خوێندنی بەشی زمانی ئینگلیزی لە هەردوو کۆلێژی پەروەردە و پەروەردەی بنەڕەتی و بەستنەوەی بە بازاری کار و بەرزکردنەوەی ئاستی دەرچوانی ئەم بەشانە
بۆ ئەوەی دەرچوانمان ئەو کارامایی و لێهاتویانە بەدەست بهێنن کە گۆڕانکاریەکانی سەردەم هێناویەتی بۆ ناو بازاری کاری هەرێمی کوردستان، لەم ڕێگەیەوەش بتوانین دەرفەتى هەلى کاری زیاتر بۆ دەرچووانمان بڕەخسێنین،‎ئەمەش لە بەر ئەوەی دەرچوانی ئەم بەشانە مامۆستای داهاتووی قوتابخانەکانی سەر بە وەزارەتی پەروەردەن و دەتوانن کاریگەری گەورە لە سەر کۆمەڵگا و داهاتوی نەوەکانمان دروست بکەن، بۆیە پێویستە پڕۆگرامی خوێندنی ئەم بەشانە بەشێوەیەکی ورد و زانستی دابڕێژرێن و سەرجەم بنەماکانی پڕۆگرامێکی خوێندنی باشیان تێدا دەستەبەر بکرێت بەشێوەیەک کە ناوەڕۆکی پڕۆگرامی خوێندن و ڕێگاکانی وانەوتنەوە و هەڵسەنگاندن زامنی ئەوە بکەن دەرچوانی ئەم بەشانە دەتوانن ببن بە مامۆستایەک کە بە تەواوی ئامادە بن بۆ ئەوەی نەوەکانی داهاتوومان پەروەردە بکەن